வணக்கம் நண்பர்களே.....
நம்ம வாழ்கைல கால் ஏஜ்(!) வரை வரும் இடம் காலேஜ்(!)...அங்கு கிடைக்கும் அனுபவங்கள் வாழ்கையின் எந்த பகுதியில் நினைத்தாலும் நமக்கு ஆச்சர்யத்தை கொடுக்கும்...
அப்பேற்பட்ட கால் பகுதியில்(!) பட்ட உணர்வுகள் மற்றும் அனுபவங்களை தொகுத்து வழங்க உள்ளேன்....முடிந்தால் ரசிக்கவும்(முடியவில்லை என்றாலும்!)......
அப்போதான் அந்த கல்லூரியில் சேர்ந்து ஒரு வருடம் இரண்டு மாதங்கள் முடிந்திருந்தது.....திடீரென்று நண்பன் ஓடி வந்தான்...
மாப்ள விஷயம் தெரியுமா...
என்னடா சொல்லு.....
## அந்த காலேஜ் பாசங்க நம்ம பையன போட்டு பின்னிட்டாங்க...
என்ன மேட்டரு சொல்லு....
பொண்ணு மேட்டருதான்....
ஏன்டா ரெண்டு பேரு மோத வேண்டிய இடத்துல பத்து பேரு சேந்து ஒருத்தன அடிச்சிருக்காங்க...இன்னிக்கு பாத்துருவோம் கெளம்புங்க....
மாப்ள வேணாம் இது சரியா வராது..அவன தனியா தூக்குவோம்(மூர்த்தி என் நண்பன்...ஒட்டடை குச்சி போல இருந்து கிட்டு சாணக்கியத்தனத்தை அடக்கி ஆண்டவன்!)...
(ஏற்கனவே சேர்ந்த புதிதில் சீனியர் கிட்ட ஏற்பட்ட மோதலால் தூக்கி போட்டு ஒரு சீனியரை மிதித்து இருந்தேன்...அதனால் சீனியராக பார்ம் ஆகி இருந்தேன் அந்த வேட்டி கட்டும் காலேஜில் ஜீன்ஸ் போட்ட நான்!)
வில்லிவாக்கத்தில் இருந்து கிளம்பிய (அப்போதைய!) பல்லவனில் நாங்களும் தொற்றிக்கொண்டோம்...சரியாக அயனாவரம் டேங்க் நிறுத்தத்தில் அந்த பயலிடம் பேசினேன்...
ராசா அடுத்து வர்ற ஸ்டாப்புல இறங்கு....
யார்ரா நீங்க....நான் யாரு தெரியுமா...எந்த காலேஜ் தெரியுமா........
ஸ் ஸ்....எல்லாம் தெரிஞ்சி தான்டா வந்து இருக்கேன்...நீயா இறங்கினா முழுசா இருப்ப...நானா இறக்குனா சேதாரம் ஆகும் பரவாயில்லையா......
அவன் அடுத்த நிறுத்தத்தில் என் கண்ட்ரோலில் வந்தான்....
ஒரு டீக்கடையில் உக்கார வைத்தோம்...
மேட்டரு என்னன்னா.......நீயும் இவனும் ஒரே பிகர ஓட்டுறீங்க...எவனுக்கு அது ஒர்க்கவுட் ஆகுதோ அந்த பொண்ணோட இஷ்டம்(!)....எதுக்கு ஆளுங்கள கூட்டி வந்து அடிச்சே...இப்போ இவன் உன்ன ஒரு அறை விடுவான்(!)...நீ இதோட இந்த விஷயத்த நிறுத்திக்க(!)...அந்த பொண்ணு கிட்ட கேப்போம்....அவ என்ன சொல்றாளோ அதுதான் பைனல்(இது செமி பைனல்!)....நடுவுல எவனையாவது கூட்டி வந்து சீன் போட்ட.....என்ன நடக்கும்னு உனக்கு சொல்ல வேண்டியதில்லன்னு நெனைக்கிறேன் என்றேன்...
(அறை விழுந்தது....அடுத்து அவனை அழைத்துக்கொண்டு(!)...அந்தப்பெண்ணின் காலேஜுக்கு அருகே சென்றோம்...ஏற்கனவே நம்ம நண்பி ஒருத்தங்க கிட்ட சொல்லி அந்த பொண்ண காலேஜ் கிட்ட இருக்க ஒரு இடத்துல நிக்க சொல்லி இருந்தேன்!)
அந்த பெண்ணிடம்...
இந்தாம்மா...இந்த ரெண்டு ஹீரோல யார விரும்புற என்றேன்...
இல்லைங்கண்ணா(!)...நான் யாரையும் விரும்பல...எனக்கு படிப்பு தான் முக்கியம் என்றாள் அந்தப்பெண்...
சரி நீ கெளம்பு என்றேன்...(அவள் சென்று விட்டாள்!)
பாருங்கடா நாதாரிகளா..அந்தப்பொண்ணு உங்க ரெண்டு பேரையும் விரும்பல...என்ன ### சண்ட போட்டு திரியிறீங்க...இதுக்கு கூட்ட கூட்டமா பஞ்சாயத்து வேற தூ(!).....
(அதோடு அந்தப்பிரச்சனை முடிந்தது என்று எண்ணி இருந்தேன்....அடுத்த நாளே வேறுவிதமாக வந்தது!).....
காலேஜ் ஜன்னலில் அரை செங்கல்கள் பறந்து வந்து விழுந்து கொண்டு இருந்தன.....என்ன என்று பார்க்க வெளியே வந்த காலேஜ் சேர்மன் தலையை குறி பார்த்து ஒரு செங்கல் வீசப்பட்டது....அவர் மண்டையுடைந்தது நானும் நண்பனும் அவரை பக்கத்தில் இருந்த மருத்துவமனைக்கு தூக்கி கொண்டு ஓடினோம்...
அடுத்து..........
தொடரும்...........
கொசுறு: இது ஒரு அறியாத வயது தொடர்(!)...ஆகையால் யாரும் டென்சனாக வேண்டாம் என்று கேட்டு கொள்ளப்படுகிறார்கள்(!)
