முன்னே 51 இப்போ 501 போதல(!?)

வணக்கம் நண்பர்களே......

திருமணம் என்றாலே நினைவுக்கு வருவது சொந்தக்காரர்களின் வருகைகள் தான்....அது அந்தக்காலம் என்று சொல்வோரும் உண்டு....அதைபற்றிய ஒரு பதிவே இது....

சிறு வயதில் திருமணங்களுக்கு செல்லும் போது அம்மா ஒரு சிறிய கவரில் ரூபாய் 51 வைத்து அதை மூடி ஒட்டி அதன் மேலாக என் தந்தையாரின் பெயரை எழுதி வைப்பதை பார்த்து இருக்கிறேன்....அந்த திருமணத்துக்கு சென்று திரும்பும் போது "மொய் செய்யுமிடத்தில்" அதனை கொடுத்து விட்டு வருவார்கள்...

கேட்டால்....இதுதான் ராசா மொய் செய்யறது...அப்படின்னு சொல்லுவாங்க.....

இப்போ என்னடான்னா ரூபாய் 501 கொடுத்து விட்டு வந்தாலும் மரியாதையாக இல்லை என்று சொல்லுகிறார்....

உண்மை தானோ.......இப்போ மதிப்பு பணத்துல தான்யா இருக்கு...ஒரு கல்யாணம் பண்றத்துக்கு எவ்ளோ செலவாகுது...அதுவும் வர்றவங்க எல்லாம் எதோ ஓட்டல்ல ஆர்டர் பண்ணிபுட்டு சாப்பிட வந்தவங்க போல...சாப்பிட்டு முடிச்சதும்...இது சரியில்ல, அது சரியில்லன்னு நொட்டு சொல்லிட்டு போறாங்க....

முன்னல்லாம் திருமணம்னா முன்னாலே சொந்தங்கள் எல்லாம் ஒன்னு கூடுவோம்..வீட்ல இதுக்காக ஒரு வாரத்துக்கு முன்னமே ஸ்கூல்ல லீவு சொல்ல சொல்லிடுவாங்க...என்னமா ஜாலியா(!) இருக்கும்....எல்லா சொந்தக்காரன்களையும் ஓரிடத்தில் பார்க்கப்போறோம்னு பெரியவங்களுக்கும்...நம்ம மாமன், மச்சான், மாப்ள எல்லாருடனும் கும்மியடிக்கப்போறோம்னு நாமளும் மகிழ்ச்சியா இருந்த நாட்கள் அவை....

இப்போ என்னடான்னா இவை ரொம்ப குறைஞ்சிடுச்சி...நிதி நிலை(விலைவாசி!) இதற்க்கு காரணமாக சொல்லப்பட்டாலும்...குழந்தைகளை திருமணத்துக்கு இட்டு செல்லும் பெற்றோர் குறைஞ்சிட்டாங்க...அதுவும் முன் நாள் போற பழக்கமும்  குறைஞ்சிடுச்சி...

முன் நாள் போனாத்தான் பல மாதங்களாக நடந்த விஷயங்களை ஒரு இரவில் பேசி முடிக்க முடியும்...பல விஷயங்களை நினைத்து துக்கப்பட்டும் இருப்போம்...இப்போ இருக்க குழந்தைகளுக்கு இந்த சவுகரியம் கிடைக்காமல் போய்க்கொண்டு இருப்பது வருத்தமே(நமக்கும்தான்!)....

இப்போ மொய் என்பது கூட மாறிப்போச்சி....முடிஞ்சவரை திருமணத்தை கோயில்லையும்...உணவுக்கு..பக்கத்துல இருக்க ஓட்டல்லையும் முடிச்சிடுறாங்க...இப்படித்தான் திருமணம் செய்யனும்னு நெனைக்கரவங்களும் அல்லது இன்னும் இந்த மரபுகளை தொடர்ரவங்க தான் இந்த முன்னாள் ரிசப்ஷன் அப்படிங்கற விஷயத்த தொடர்றாங்க...

என்ன இருந்தாலும் அன்பு மாறாமல் இருந்தா சரிதான்...ரூபாயோட மதிப்பு மாறிட்டு தானே இருக்கும்...

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment