சரக்கடித்த பிறகு (ஒன்லி ஆண்களுக்கு மட்டும்!

காலையில ஒரு வரலாற்று பதிவு போட்டேன்...........நம்ம சிபி ரொம்ப மனசு கஷ்டமாயிடுசின்னு பதில் சொல்லி இருந்தாப்புல! அதான் இன்னொரு மொக்க பதிவு ஹி ஹி!.............(எப்படியெல்லாம் காரணம் சொல்ல வேண்டி இருக்கு!)

போன வாரத்துல ஒரு நாளு நம்ம வட இந்திய நல்லவரு ஒருத்தரு போன் பண்ணி இருந்தாரு...........(நான் ஏற்கனவே ஒரு போன் கால் யாருன்னு தெரியாம மண்ட காஞ்சி இருந்த நேரம்.....ஹி ஹி!)

அவரோட கம்பெனி விழாவுக்கு என்னை கூப்பிட்டாரு...........நான் சாதரணமா இந்த மாதிரி அழைப்புகள விரும்பறது இல்ல.......(எல்லாம் வட இந்திய அறிவாளிகளா(!) வருவாங்க ஹி ஹி!)..........ஏன்னா சரக்கு கண்டிப்பா அடிக்க சொல்லி வற்புறுத்துவாங்க..................நமக்கு வேற பித்த உடம்பு வேறயா அதேன்.....

ரொம்ப அழுத்தம் குடுத்து என்னை 4 முறை அழச்சதினால போனேன்.........ஒரே இந்தி பட்டாளம்........நான் மட்டும் தான் இந்தியால இருந்து ஒதுக்கப்பட்ட தமிழன்(நமக்கு ஒன்னும் புதுசில்லையே ஹி ஹி!)..........ஒவ்வருத்தரா பாத்து நலம் விசாரிச்சாங்க........(எல்லோரும் அண்ணி எங்கண்ணே அப்படின்னு.......கேட்டாங்க அது தணிக்கத!)

ஒருத்தர ஒருத்தர் விசாரிக்கும்போது பெண்கள அண்ணி எப்படி இருக்கீங்க என்றே சொல்லுவாங்க...கொஞ்ச நேரம் கையில ஆப்பிள் ஜூஸ் வச்சிக்கிட்டு சீன் போட்டுட்டு இருந்தேன்(மானங்கெட்ட பொழப்பு!)............அப்போ போனு வந்துச்சி..........என்ன சொல்லும்மா என்றேன்...........என் மனைவி என்ன சாப்பிட்டாச்சா என்றாள்............இல்ல இன்னிக்கி ஒரு பார்ட்டி அதான்........ சரி சரி நான் இல்லன்னு சந்தோசத்துல ரெண்டுக்கு மேல போடாதீங்க(பெக்காம்!....அது எப்படி இருக்கும் ஹி ஹி!) சரியா என்றாள்...........என் மேல எவ்வளவு நம்பிக்க ச்சே..........இதுக்கு சரக்கே அடிச்சிட்டு இருக்கலாம்னு நெனச்சேன்........ஒரு நண்பர் வந்து இப்போ நீ இந்த சரக்க குடிச்சே ஆவரன்னு சொல்லி கையில கொடுத்திட்டாரு...............

சரி அடிப்போமுன்னு ஆரம்பிச்சேன்...........கொஞ்ச நேரத்துல எத்தன ரவுண்டு போச்சின்னு தெரியல.......ஒருத்தரு பேச்சு குடுத்தாரு........ஆமாம்.........அண்ணி ஊருல இல்ல போல........அடங்கொன்னியா ஏன்டா..........போடா டேய் என்றேன்.............அவன் உடனே ஏன்பா என் மனைவி கூடத்தான் ஊருல இல்ல.......நான் எவ்ளோ சந்தோசமா இருக்கேன் என்றான்.

ஆமா.......சாப்பாட்டுக்கெல்லாம் என்னா பண்றே என்றேன்........அவன் எந்த சாப்பாடு என்று வேறொரு அர்த்தத்தில் கேட்டான்......இது வேலைக்காகாது என்று நினைத்தேன்...........உனக்கொன்னு தெரியுமா இங்க ஒருவிஷயம் ஆரம்பிச்சி இருக்கோம்.........என்னாது..........6 மாச ஒப்பந்தம் போட்டுக்கலாம்...........உனக்கு வேணுமுன்னா சொல்லு என்றான்..........எனக்கு முதலில் புரியவில்லை...........பிறகுதான் புரிந்தது..........அடப்பாவிங்களா இது உங்க பொண்டாட்டிங்களுக்கு செய்யுற துரோகமில்லையா என்றேன்...........

அந்த க்ரூப் என்னை ஏற இறங்க பார்த்தது...........உன் மனைவி 6 மாசமா ஊருல இல்லையே...........நீ என்னதான் பண்றே என்றான் ஒரு *#*# .......அதற்க்கு நான்..........சரிப்பா.......இப்போ அவங்களும் இதே மாதிரி நெனச்சி சரி 6 மாசத்துக்கு யாரையாவது இந்தியால சேத்துகிட்டாங்கன்னா ........என்றேன்.......உடனே அவர்களுக்கு வந்த கோவத்தை பார்க்கணுமே...........அடித்த போதை அவர்களுக்கு இரங்கி விட்டு இருந்தது.......என்னுடன் சண்டைக்கு வந்து விட்டனர்..............

நான் சொன்னது.......ஏன்டா டேய்..........உங்க பொண்டாட்டிங்க மட்டும் கண்ணகியா இருக்கணும்............நீங்க மார்கழி மாசத்து நாய் கணக்கா சுத்தி வருவீங்க..............இந்த நாதாரி பொழப்புக்கு என்னை வேற கூப்புடுறீங்க..........இன்னொரு முறை இந்த மாதிரி பேசினீங்க...........தக்காளி எத கட் பன்னனமோ அத கட் பண்ணிபுடுவேன் என்று சொல்லிவிட்டு வேகமாய் வீடு வந்து சேர்ந்தேன்............மறு நாளில் இருந்து நான் அவர்களின் போன் அழைப்பை ஏற்பதில்லை..........ஆனாலும் மன்னிப்பு கேட்டு தினம் குறும் செய்தி அனுப்பியவண்ணம் உள்ளனர்........

கொசுறு: எங்கடா நான் அவங்க வீட்டுக்காரங்க வந்தா போட்டு உடச்சிடுவனொன்னு பயம் வேற என்னத்துக்கு மன்னிப்பு கேக்குறாங்க...............என்னைப்பொறுத்தவரை அழகை ரசிப்பது தவறில்லை அனுபவிக்க நினைப்பதே தவறு(அதுவும் மனைவி என்பவள் வாழ்வில் கலந்த பிறகு ஹி ஹி!)

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment