கிரிக்கெட்டு என் பார்வையில்(!?)

எல்லோருக்கும் வணக்கமுங்கோ.............சும்மா கெடந்த சங்க ஊதினாறு ஒருத்தரு அவரு பேரு திரு. ஆர்.கே.சதீஷ்குமார் இநத மனுஷன் சும்மா இல்லாம கிரிக்கெட்டு எனும் புனித விளையாட்டு பத்தி தொடர் பதிவுக்கு என்னை அழைச்சிருக்காரு அதுக்கு அவரு மேல எனக்கு தம்மத்தம் கோவம் இருக்கு. 

இருந்தாலும் பெரிய ஆளுங்கன்னாலே இப்படித்தான் சின்ன புள்ளைங்கள ஆட வச்சி பாப்பாங்க ஹி ஹி!(நோ பேட் வார்ட்ஸ்!! தலைவரே!)

எதோ என்னால முடிஞ்ச அளவுக்கு சொல்லிகிறேன். பாத்துட்டு சொல்லுங்கோ!

இநத உலகக்கோப்பையில பங்கேற்று இருக்கும் அணிகள்ள நாலு அணி தான் ரொம்ப ஸ்ட்ராங்கா(!) இருக்கறதா நெனைக்கிறேன். 

இந்தியா, ஆஸ்திரேலியா, சவுத் ஆப்பிரிக்கா மற்றும் ஸ்ரீலங்கா.

இதுல மத்த நாடுகள பத்தி அவங்க அவங்க நாட்டுக்கார பதிவருங்க எழுதிக்கட்டும் ஹி ஹி!(இதுல இலங்கைய பங்காளி நாடா சேர்த்துக்கலாமா வேணாமா டவுட்டு!)

இந்தியா - மாபெரும் தேசம் ஆனா குட்டியுண்டு நாட்டுக்கிட்டல்லாம் முட்டு சந்துல அடிவாங்குரத தான் தாங்க முடியல!(நான் கிரிகெட்டுல மட்டும் தாங்க சொல்றேன் நோ பொலிடிக்ஸ்!)

11 புலிகள் சாரிபா...........விளையாட்டு வீரர்கள் களம் கானுறாங்க............அவங்களப்பத்தி கொஞ்சம் என் வழில சொல்றேன் கேளுங்கோ........

தல - தோனி 

என்ன நடந்தாலும் அசராத கேப்டன். மவனே ஒரு போலரு 25 ரன்னு ஒரே ஓவருல கொடுத்தாலும் அடுத்த போட்டிக்கு அவருக்கு சான்சு வாங்கி கொடுக்கும் அளவுக்கு நல்ல மனுஷன்..........ஆனா இவரு நம்புற பய புள்ளைங்க எல்லாமே இவர அடிக்கடி நட்டாத்துல உட்டுட்டு போறது தான் கவலையா இருக்கு. எப்படியும் இந்த முறை CUP வாங்கி காட்டி எல்லோரையும் மூக்கு மேல கை வைக்கும் படி முடிவு பண்ணி இறங்கி இருக்காரு 

ஆசை - அந்த பய புள்ள சச்சின அப்படியே இந்த கோப்பை வாங்கிட்டு டீம விட்டு துரதிடனும்.

பிடிச்ச ஷாட்டு- (பீமனோட!)கதாயுதத்துல அடிக்கிராப்புல ஆடும் ஷாட்டு

சேவாக் 

நல்ல பார்ம்ல இருக்க வீரர். ஆனா யாருக்குமே தெரியாது எப்ப எப்படி ஆடுவாருன்னு. கொஞ்ச நாளைக்கு முன்னி ஒரு முடிவெடுத்து இருக்காரு........அதாவது 50 ஓவரு வரைக்கும் அவுட்டு ஆவறது இல்லன்னு...போன போட்டில முடிஞ்ச வரைக்கும் அத செயல் படுத்தினாரு.

ஆசை: எப்படியாவது 200 அடிக்கணும்(!) ஒரு நாள் போட்டில.

பிடிச்ச ஷாட்டு- எல்லாமே (அவுட்டு ஆகுற ஷாட்ட தவிர ஹி ஹி!)

காம்பிர் 

பய புள்ள பாக்க ஹீரோ கணக்கா இருந்து கிட்டு பண்ற சேட்டஎல்லாம் வில்லன் கணக்கா பண்றாரு(!). நிலைச்சி ஆடக்கூடிய தகுதி இருந்தும் எதிர் ஆடுற பேட்ச்மானு எதாவது 4 இல்ல 6 அடிச்சிட்டா தானும் பொங்கி அவுட்டு ஆவுறத குறச்சிகிட்டா இவரும் உருப்படுவாறு டீமும் தப்பிக்கும்!

ஆசை: சீகிரதுல கேப்டனாகுறது 

பிடிச்ச ஷாட்டு: இடப்பக்க ஷாட்டு (off drive)

கோஹ்லி

இந்தியாவுக்கு கெடச்சிருக்க அடுத்த டிராவிட்டு என்பது என் எண்ணம். கொஞ்சம் நிதானத்த கட பிடிச்சா இன்னும் உச்சத்துக்கு போக எல்லா தகுதியும் கொண்ட ஆளு. சின்ன பயலா இருந்தாலும் பல அனுபவம் வாய்ந்த போலர்கல உருட்டி எடுக்கறதுல பெரிய ஆளுதான். நல்ல பீலடரும் கூட என்பது அணிக்கு பெரிய வரப்பிரசாதமே.

ஆசை: இப்போதைக்கு டீமுல தொடர்ந்து விளையாடுறது(அப்புறமா சொல்றேன் ஹி ஹி!) 

பிடிச்ச ஷாட்டு: வலப்பக்க ஷாட்டு (on drive)

கொசுறு:நானும் ஒரு முன்னால் மட்டைப்பந்து ஆட்டக்காரன் என்பது நீங்கள் அறிந்ததே (ஹி ஹி!)............பதிவின் நீள அகலம் அதிகமாயிட்டதால அடுத்த பதிவுல முடிச்சிடறேன் ஹி ஹி!........இனி யாரவது தொடர் பதிவுக்கு கூப்பிடுவீங்க.........

இன்னொரு கொசுறு: பல நல்ல நண்பர்கள் என்னை இசை(வசை!)பாடி பல அசிங்கமான வார்த்தைகளால் பூசப்பட்டு அனுப்பிய மெயில்களை நான் அழித்து விட்டாலும் திருப்பி அடிக்க ஒரு ப்ளாகு ஆரம்பிச்சி இருக்கேன்........சீகிரத்துல என்வழி கருத்துக்களோடு அடிப்பேன்(அசிங்கமாக அல்ல!)

முடிந்தால் வரவும் - http://gladiatorveeran.blogspot.com/

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment