வியத்னாம் - (தமிழனின் பாதம்!?) பாகம் 2

எங்க போனாலும் நம்ம மக்கள் இருந்திருக்காங்க.....ஆனா தன் சுயத்த பதிச்சிட்டு வந்துட்டு இருக்கான் தமிழன்.

போன பகுதில வரலாற்று பதிவா ஆரம்ப காலத்த பாத்தோம். கொஞ்சம் நடைமுறைக்கும் , மக்களுக்கு பிடிக்கிறா மாதிரியும் பதியறேன். அதனால தவறு இருந்தா சுட்டிக்காட்டவும்.

முதல்ல நான் வியத்னமியர்களிடம் கண்ட விஷயங்கள சொல்லிடறேன்:

ரோட்டுல போகும்போது நாம தவறா குறுக்கால போயிட்டா வண்டி ஓட்டிங்க நம்ம மேல மோதாம தாண்டி நிறுத்திட்டு சொல்லுவாங்க பாருங்க.........

நம்ம ஊரா இருந்த - ஏன்டா சாவுகிராக்கி நீ விழறத்துக்கு என் வண்டி தான் கெடச்சதா..........வீட்டுல சொல்லிட்டு வந்துட்டியா........#@%*****

இங்க சொல்ற முதல் வார்த்த "அண்ணே பாத்து போங்க, ஜாக்கிரதை.....எதாவது அடிபட்டுட்டா நீங்க ஹாஸ்பிடலுக்கு போகணும்......

சரி இப்போ விஷயத்துக்கு வர்றேன்......

தனாங் - இந்திராபுரா,

பிங் திங் - விஜயா

ங்கா சங் - கவுத்ரா

நிங் துவன் - பாண்டுரங்கா

இவைகள் எல்லாம் இன்றைய வியத்நாமிய நகரங்கள்.

சற்று உற்று நோக்கினீர்கள் என்றால் இதன் முற்கால பெயர்கள் அனைத்தும் இந்திய பெயர்களே..........

சிகப்பு எழுத்துகள் கொண்டவைகள் இந்திய பேருடைய நகரங்கள்.(படம் பார்க்க)

குறிப்பாக 11 வதிலிருந்து 18 வது நூற்றாண்டு வரையான வரலாற்று விஷயத்தில் சீனாவின் கீழ் இருந்ததாக காட்டப்படுகிறது. ஆனால் நான்கு முக்கிய நகரங்களை இந்திய அரசர்கள் ஆண்டு இருக்கிறார்கள். இவை இந்த நாட்டின் வரலாற்றில் மறைக்கப்பட்டுள்ளது போலும்.

இன்று சைகோனில் இருக்கும் 2000 வருசத்துக்கு முந்தய அம்மன் கோவில் இதுக்கு ஒரு உதாரணம். இங்கு தொடர்ந்து போர் ஏற்பட்ட போது இங்கு இருந்த இந்திய வம்சா வழி மக்கள் உயிரை காத்துக்கொள்ள இந்தியா சென்று விட்டனர். முக்கியமாக வணிகத்தமிழர்கள் (ஜாதிப்பேர சொல்லக்கூடாதில்ல!)சமூகம் இங்கு வியாபித்து இருந்துள்ளது.

இன்றும் இந்த கோயில் இருக்கிறதென்றால் அதற்க்கு காரணம்...........போர்க்காலத்தில் எதிரிகள் குண்டு மழை பொழிந்த போது பலர் இங்கு வந்து பதுங்கி இருந்தனராம். சுற்றிலும் விழுந்த குண்டுகள் இந்த இடத்தில் விழாமல் போனதால்.......மக்களுக்கு இது ஒரு அற்புத இடமாகிப்போனது.

பல இடங்களில் இந்துக்கோயில்கள் இடிக்கப்பட்டு அங்கே புத்த சிலைகள் பதியப்பட்டு உள்ளன. கம்போடியாவிலும் இதே போல் உள்ளது. நாம அலமாரியில் பொருள் மாற்றுவது போல இந்து சிலைகளை அகற்றிவிட்டு சீன மன்னர்களால் புத்த சிலைகள் நிறுவப்பட்டுள்ளன(அவரும் நம்ம கிட்ட இருந்து எடுக்கப்பட்ட தெய்வம் தானே!)

இங்க பாருங்க இவங்க எப்படி ஆண்டவன தொழுராங்கன்னு........இந்த ஊதுவத்தி வச்சி கிட்டு இவங்க கும்பிடற அழகே தனிதாங்க.........

தனாங் - Da Nang - இந்தப்பேருடைய முழுப்பேரு தண்டாயுதபாணி - இங்க ஒரு வாய் வழி கதையும் இருக்கு. அந்தக்காலத்துல இங்க இருந்த ஒரு அரசன் இந்திய அரசனப்பத்தி தவறா பேசியதாகவும்........அதனால் உணர்ச்சி வசப்பட்ட அந்த அரசன் படையெடுத்து வந்து இந்தப்பகுதி அரசனோட தலைய வெட்டி எடுத்துட்டு இந்தப்பகுதிய மக்கள் கிட்ட ஒப்படைச்சிட்டு போனதாகவும் சொல்றாங்க.

கொசுறு: தொடராக எழுதும் இந்த விஷயங்கள் வாரத்தில் இரண்டு நாள் பதியலாம் என்று இருக்கிறேன். commercial விஷயங்களுக்கு ஆதரவளிக்கும் நட்புகள் இப்பதிவுக்கும் தங்கள் அன்பை அளிக்குமாறு கேட்டுக்கொள்கிறேன்.

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment