அய்யய்யோ அப்புறம்...........!

வணக்கம் நண்பர்களே.............ஆயிரம் ஆயிரம் ஆசைகளை தாங்கிய வீடு இது...........அந்த ஆண்டவன் வாழத்துடிக்கும் குடும்பம் எனும் கோயிலிது................

கொஞ்சம் இந்த அரசியல் பரக்காவேட்டிகளை மறந்து என்னோட சிறு வயது காலத்திற்கு பின்னோக்கி போகிறேன்(நீங்களும் கொசுவத்திய எடுத்துக்கங்க ஹிஹி!)....................பள்ளி படித்த காலங்கள் இன்றும் மறக்க முடியாத பாதிப்புகள நம் மனதில் ஏற்ப்படுத்தியிருக்கும் என்று நம்புகிறேன்...............

அந்த நேரங்களில்......என் அப்பா அம்மா திடீர் திடீர்ன்னு எதாவது வாங்கி வா என்றோ அல்லது போய் விளையாடு என்றோ கூறுவார்கள்.............ஏனென்று தெரியாமல் சென்று இருக்கிறேன்..............பொதுவா என்தந்தைக்கு விளையாட்டு பிடிக்காது என்றே சொல்லலாம்(இன்னிக்கு விழுந்து விழுந்து மேட்சு பாக்குறாரு அதுவேற விஷயம் ஹிஹி!)...........அதனால் என்னை படி என்று நித்தம் நித்தம் சொல்லிட்டு இருப்பாரு(டார்ச்சர் என்று நினைத்திருக்கிறேன்!).............ஏன் நம்மள அடிக்கடி இப்படி திடீர்னு வெளிய அனுப்புறாங்கன்னு பார்க்க போனா...............வீட்டுல இருவருக்கும் கருத்து வேறுபாடு வந்து பெரிய சண்ட நடக்கும்...........அது எனக்கு வெகு நாட்களுக்கு தெரியாமலே இருந்தது...................

பெரியவர்களின் கருத்து வேறுபாடு நமக்கு தெரியக்கூடாதுன்னு நெனச்சித்தான் என்னை இப்படி வெளியில் அனுப்பி விடுகிறார்களா என்று எனக்கு புரிந்த போது அதிர்ச்சியாக இருந்தது................ஆனால் அதே நேரத்தில் பள்ளி தோழர்களில் பலர் என்னுடன் பேசிக்கொண்டு இருக்கும்போதே அழுவதை கண்டு இருக்கிறேன்.............ஏன் என்று கேட்டால் வீட்டுல அம்மாவுக்கும், அப்பாவுக்கும் சண்டை அதான் என்று அழுது கொண்டே கூறும்போது நானும் வருந்தி இருக்கிறேன்...................

இன்று என் மகன், என் மனைவியின் தந்தைக்கும் தாய்க்கும் சில மன சங்கடங்கள் வந்து சண்டையிடும்போது ...........ஏன் தாத்தா இவ்ளோ வயசாவது இப்ப போய் சண்ட போடுறியே.........எங்க அம்மாவையும் அப்பாவையும் பாத்து கத்துக்க..............அய்யோ அய்யோ உன்ன கொண்டு போய் ஸ்கூல சேர்க்கணும் போல என்று சொல்வதாக என் மனைவி கூறினாள்.............எனக்கு என்ன சொல்வதென்று தெரியவில்லை.........

குடும்பத்தில் கருத்து வேறுபாடு என்று வரும்போது குழந்தைகள் முன் சண்டையிடுவதை தவிருங்க.............இல்லன்னா நம்மைப்பற்றிய தவறான அபிப்ராயம் ஏற்ப்பட்டு அதுவே நம்மை விட்டு விலகிப்போக அதிக வாய்ப்பு கொடுக்கும் விஷயமாகிப்போகும்................

கொசுறு: தலைப்போட விளக்கம் என்னன்னா..........அடிக்கடி பள்ளில பேசிக்கும் போது சக மாணவர்கள் கேற்கும் விஷயம் ஹிஹி!.........எல்லா வித பதிவும் போடுற பழக்கம் வேணும் ஹிஹி (மனசாட்சி!!)

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment