ஒரு மீசைக்காரனின் நினைவு!

வணக்கம் நண்பர்களே....

ஒரு நண்பர் எனக்கு போனில் அழைத்து இருந்தார். நண்பராச்சே...மீடிங்கில் இருந்த போது எடுக்க முடியவில்லையே என்று சங்கடப்பட்டு...மீட்டிங்கை விட்டு வெளிய வந்து பேசினேன்....

மாப்ள....என்னய்யா சொல்லு...நான் கொஞ்சம் பிஸி(ஹிஹி!).....

அது வேற ஒன்னும் இல்ல எனக்கு ஒரு வேல சொல்லி இருந்தேனே....

ஆமாம்...அதுக்கு தான் ஏற்பாடு பண்ணிட்டு வீட்ல சொல்லிட்டாங்களே என்ன ஆச்சி.....

அது வேற ஒன்னும் இல்ல....கொஞ்சம் கஷ்டத்துல வட்டிக்கு வாங்கிட்டேன்....இப்போ ஊருக்கு போக விடமாட்டேங்குறாங்க....என்னத்த பண்றதுன்னு தெரியல(!)....அதனால அந்த மொதலாளிகிட்ட என்னை மன்னிச்சிட சொல்லு(!)....என்னால வர முடியாது.....

டேய் என்ன விளையாடுறியா.....உனக்காக அவர் கிட்ட பேசி உன்னோட விமான டிக்கட்ட கூட வாங்கி கொடுத்திட்டேன்....இப்போ வந்து இப்படி சொன்னா என்ன பண்றது....

இல்ல மாப்ள...எனக்கு ராசியில்லன்னு நெனைக்கிறேன் விட்டுடு...

டேய் பிஞ்சிடும்(!)....மரியாதையா வந்து சேரு....

இல்ல மாப்ள என்னால முடியாது...என் குழந்தை அனாதயாயிடும்...

என்னடா லூசு மாதிரி பேசுறே....எவ்ளோ தரனும் சொல்லு பேசிப்பாப்போம்....கொஞ்ச கொஞ்சமா அடசிடலாம்டா.....

வேணாம் விட்ரு.....நீ சொல்றா மாதிரி நான் ஒரு கரப்பான் பூச்சிதான்(!)....

என்னடா சம்பந்தமே இல்லமா பேசுற....சொல்லு என்ன ஆச்சி!

அவன் விளக்கப்படுத்திய போது எனக்கு திக் என்றது....என் நண்பன் கரப்பான்(!)

மன்னிக்கவும் அவன் மீசையை வைத்து நான் அவனை அப்படித்தான் கூப்பிடுவேன்...அவன் ஒரு சமையல் கலைஞ்சன்...தந்தையின் தொழிலை கற்று தேர்ந்தவன்....பத்தாவதிலேயே படிப்பை நிறுத்திவிட்டு குடும்ப நிலை காரணமாக வேலைக்கு சென்று விட்டான்(அப்போது நல்ல படிப்பாளி!)....தகுந்த வயதில் சொந்தக்காரர் பெண்ணை மணமுடித்து வைத்தார்கள்(!)...வாழ்கையை கஷ்டப்பட்டு வாழ்ந்து வந்தான்.....அதனால் ஒரு ரெஸ்ட்டாரேன்டில் வேலை பார்த்து கொடுத்தேன் சமீபத்தில்....

 திடீரென்று அவன் படித்த(!) மனைவி ரெண்டு நாள் முன்பில் இருந்து காணவில்லை என்று தேடி இருக்கிறான்...இப்போது தெரிய வந்து இருக்கிறது அடுத்த வீட்டு படித்த வாலிபனுடன் சென்று விட்டதாக....அந்தப்பெண் திருமணம் முடித்து வரும்போது 12 வது வகுப்பு வரை படித்திருந்தாள்(!)....நண்பன் தன்னால் படிக்க முடியவில்லை என்பதால் அப்பெண்ணின் கல்வி விருப்பத்துக்கிணங்க MA வரை படிக்கவைத்தான்...

 இதற்கிடையில் பக்கத்து வீட்டு நண்பருடன் ஏற்ப்பட்ட தகாத சகவாசத்தால் அந்தப்பெண் இவனை விட்டு சென்று விட்டாள்(!)....ஒரு பெண் குழந்தை வேறு உள்ளதை நினைத்து பார்க்கும் பொழுது என்ன சொல்வது தெரியவில்லை.....அவனை தேர்த்தி இருக்கிறேன்...அந்தக்குழந்தை எண்ணி அவன் அழுகிறான்...அவனை எண்ணி நான் வருந்துகிறேன்...நண்பா விடியும் பொழுது நலமாக விடிய புறப்பட்டு வா உன் பணிக்கு சீக்கிரம்...கவலை மற...கடமையை நினை!

கொசுறு: என்னுடைய பார்வையில்....என்ன பிரச்னை இருந்தாலும் பேசி தீர்த்து இருக்கலாமே....உள்ளப்பசியை விடவா உடல் பசி பெரியது(!).....பகிரணும்னு தோணிச்சி....நன்றி!

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment