பெண் ஓட்டுனர்கள்(Drivers!) - (வியட்நாம்) 300 - வது பதிவு

வணக்கம் நண்பர்களே.....

என்னை வாழவைத்துகொண்டு இருக்கும் என் தமிழ் மொழிக்கு என் முதல் வணக்கம். என் பதிவுலக நண்பர்களுக்கும், என்னை ஒரு பொருட்டாக மதித்து ஓட்டும், கருத்துரைகளையும் அள்ளிக்கொடுத்து என்னை ஊக்கப்படுத்திக்கொண்டு இருக்கும் என் சகோதர சகோதரிகளுக்கு என் உளமார்ந்த நன்றியை சொல்லிக்கொள்வதில் பெருமையடைகிறேன்.

என் பதிவுகளை மதித்து, எவ்வளவு மொக்கைபதிவாக இருப்பினும் அதைத்தாங்கிக்கொண்டு என்னைப்பின்தொடரும் கலியுக கடவுள்கள்(அவர்தான நாம என்னா சொன்னாலும் அமைதியா போவாரு) 219 பேருக்கும் நன்றி.

பதிவுலகம் - நான் தனியாளாக (Forced Bachelor!) மறுபடியும் வாழ வேண்டிய கட்டாயம் ஏற்ப்பட்ட போது என்னை பல சொந்தங்களுடன் இணைத்த பெரிய பாலம்...ஒவ்வொரு மனிதனுக்கும் ஏற்ற இறக்கங்களும், பலம் மற்றும் பலவீனங்களும் இருக்கும்(!).....அதனை தாண்டி அவன் மன அமைதியுடன் வாழ ஒரு துணை கண்டிப்பாக தேவை...தனிமையில் இருக்கும் வாழ்கை இருட்டில் வாழ்வது போன்றது என்பது என்னுடைய தாழ்மையான கருத்து.....

இந்த 300 வது தடத்தை பாதிக்கும் போது நான் உணர்வது...என்ன காரணத்துக்காக இங்கு வந்தேன் இன்று வரை புரியவில்லை....ஆனால், இன்று என் மக்கள் என் சொந்தம் என்ற மிகப்பெரிய ஆலமரம் உருவாகி வருவதை எண்ணி வியக்கிறேன்...

இன்று வரை தனிப்பாதையில் சென்று கொண்டு இருக்கிறேன்...எனக்கு தோன்றியவைகளையே பதிவிட்டு இருக்கிறேன்....அன்றி நான் விரும்புவது அன்னியோன்யமான நட்புகளின் கூடல் இடமாக பதிவுலகம் இருக்க வேண்டும் என்பதே...

"உன் மதமா என் மதமா ஆண்டவன் எந்த மதம்....நல்லவங்க எம்மதமோ ஆண்டவன் அந்த மதம்"

இந்த கூற்றை எல்லோரும் ஏற்றுக்கொள்வீர்கள் என்று நினைக்கிறேன் ...முடிந்தவரை அடுத்தவர் மனத்தை காயப்படுத்தாமல் பதிவிட்டு வருவதாக நம்புகிறேன்...இனியும் இது தொடரும்....இதற்கிடையில் இது வரை என்னை ஓர் பொருட்டாக மதித்து தொடர்ந்து வரும் அன்பு நெஞ்சங்களுக்கு இந்த சிறியோனின் அன்பு கலந்த நண்பர்கள் தின வாழ்த்துக்கள்!...நன்றி!

300 வது பதிவில் இந்த விஷயத்தை பகிர்வதில் பெருமையடைகிறேன்.....

ஓட்டுனர்கள் என்றாலே கொஞ்சம் சிரமமான மற்றும் துணிச்சலான வேலை என்பது என் பார்வை...இந்த விஷயத்தில் நிரம்ப விழிப்பு தேவை, கொஞ்சம் தவறினாலும் நம்மை நம்பி வருவோரும் சேர்ந்து கஷ்டப்படக்கூடும்.....சரி உன் பார்வைய நிறுத்திபுட்டு சொல்ல வந்தத சொல்லு ராசான்னு(நொந்த ராசா அல்ல!) நீங்க கேக்குறது புரியுது.....

வியட்நாம் - பெண்கள் அதிகமான வேலையில் ஈடுபடும் நாடுகளில் ஒன்று. அதுவும் ஆண்களை பற்றி கவலைப்படாமல்(!)...தங்கள் சொந்த உழைப்பில் தங்கள் முழு(!) குடும்பத்தையும் காப்பாற்றி வரும் பெண்கள் ஏராளம்....அதிலும் இந்த ஓட்டுனர் வேலை பார்க்கும் பெண்களை எண்ணி வியக்கிறேன்....

இவர்கள் கார் ஒட்டுனர்களாகவும், பைக் ஒட்டுனர்களாகவும் இருப்பது சிறப்பு....அதுவும் குறிப்பிட்டு சொல்லுவது என்றால்...இங்கு பைக்கில் பயணம் செய்பவர்கள் ஏராளம்....வாடகை பைக்கில் நாம் எங்கே போக வேண்டுமோ அங்கு பத்திரமாக நம்மை கொண்டு சேர்ப்பார்கள்...இங்கு பைக் ஓட்டுவது சற்று சிரமம்...ஏனெனில் அதிக சிரத்தையுடன் சிக்னலை கவனிப்பவர் குறைவு(!)....

சில நேரங்களில் எனக்கு பெரிய அதிர்ச்சியாகவும் இருக்கும்....அதாவது நேரே பச்சை விளக்கு எரிந்து கொண்டு இருக்கும் போதே எதிரிலிருந்து நமக்கு இடப்பக்கமாக நேரெதிராக திரும்புவார்கள்....ஒரு நிமிஷம் எப்படி போவது என்று புரியாது(!)....அந்த நேரங்களின் நான் நம்மூர் மக்களே மேல் என்று நினைத்து கொள்வேன்....

இப்படிப்பட்ட இடர்பாடுகளை கடந்து நம்மை சரியான இடத்தில் கொண்டு போய் சேர்க்கும் இந்த பைக் வாலாக்கள் ஓட்டும் லாவகமே தனி....அட்டகாசமாக இந்த பெண்கள் பைக்கை ஓட்டுவார்கள்...நமக்கு தான் கொஞ்சம் வவுறு கலங்கும்...

ஆத்தா கொஞ்சம் ஸ்லோவா போங்கன்னு(வியட்நாமிய மொழியில்!) சொல்லணும்....இல்லன்னா சும்மா ராக்கெட் கணக்கா ஓட்டுவாங்க(பைக்கத்தான்!)....இப்படி பட்ட வண்டி ஓட்டிகளின் வாழ்கை எளிதானதல்ல...மழை நேரங்களில் இவர்களுக்கு சரியான வாடிக்கையாளர்கள் கிடைக்காமல் மிகவும் வருந்த வேண்டி இருக்கும்.....அப்போது முடிந்தவரை வாடகை கார்களில் சென்று விடுவார்கள் அந்த வாடிக்கையாளர்கள்(!).....

பெண் இங்கு எல்லா வித கடுமையான வேலையும் செய்வதை எண்ணி வியக்கும் ஒரு மாக்கானின் பார்வையில் இந்த பதிவு....

கொசுறு: என்னதான் தமிழ்ல ஒழுங்கா டைப்பி வந்தாலும் இடையில கொஞ்சம் மெர்சலா மாறிடுது(ஹிஹி!)...நண்பர்கள் சகிச்சுகோங்கோ(வேற வழி!) 

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment