மல்லிகையே மல்லிகையே - வியட்நாம்(Vietnam!)

வணக்கம் நண்பர்களே....

 நம்மூரு பெண்கள் என்ன தான் அழகா உடை உடுத்தினாலும்(!) பூக்கள் சூடி இருந்தால் தான் அழகுக்கு அழகு சேர்ப்பது போல் இருக்கும்....இதை எல்லா நாட்டிலும் எதிர்பார்க்க முடியாது தானே....அதைப்பற்றிய பதிவு இது...(!)

 இங்கு பூக்களை தினமும் வாங்கி செல்வோர் உண்டு(!)...அதனை தங்கள் வரவேற்ப்பறையில் வைக்கும் பழக்கம் இங்கு நகரத்தில் வாழ்பவர்களிடம் மிகுதியாக காணப்படுகிறது....எனவே தினமும் நடைப்பயிற்சியில் இருந்து வீடு திரும்பும்போது வரும் வழியெங்கும் பூக்கள் நிறைந்து இருக்கும்....நாங்களும் இதை பின்பற்றி வீட்டில் பூக்களை ஒரு சிறிய உயரிய ஜாடியில் வைத்து வீடு முழுதும் மனம் பரப்பி வந்தோம்(!)....

என் மனைவிக்கு என்னை சற்று அலைய விட வேண்டும் என்று தோன்றி இருக்க வேண்டும்....திடீரென்று என்னை பார்த்து...

"என்ன இருந்தாலும் தமிழ் நாட்டில் வாங்கும் மல்லிகைக்கு நிகராகுமா"என்றாரே பார்க்கலாம்...

"ஏன் அப்படி என்று நான் கேட்க்க"...

அதான் இந்த சுற்று சுற்றி வருகிறீர்களே(!)....முடிந்தால் ஒரு முழம் மல்லிகைப்பூ வாங்கி வாருங்கள் பார்க்கலாம் என்று கூறிவிட்டார்கள்.....

நானும் "ஒரு மல்லிகையே மல்லிகை கேற்ப்பது ஞாயமா" என்று கூற....(ஐஸ்!)

இந்த சமாளிப்பு தேவை இல்லை என்று எதிர் தரப்பு(!) கூற....

நானும் அதற்கென்ன வாங்கி தருகிறேன் என்று வாய் வார்த்தையாக கூறிவிட்டேன்....பிறகுதான் தெரிந்தது அந்தப்பூ மட்டும் இங்கு கிடைப்பதில்லை என்று(!).....இருந்தாலும் ஒரு முடிவு செய்தேன்...எப்படியாவது தேடி கண்டுபிடிப்பது என்று(!)....ஒரு காபி கடையில்(cafe!) நான் மற்றும் என் மனைவியும் உட்க்காந்து இருக்கும் போது மல்லிகையை ஒரு சிறிய கண்ணாடி டப்பாவில் தண்ணீரில் மிதக்க விட்டு இருந்தார்கள்...விடுவேனா(!) உடனே அந்த கடைக்கார பெண்ணை அழைத்து இந்த பூ வேண்டும் கூற....(!)

அவள் என்னிடம் நாளை வாங்கி வருகிறேன் என்று கூறினாள்....மற்றும் இந்தப்பூ மிக அரிதாக பூக்கும் வகையை சேர்ந்தது...உங்களுக்கு எதற்கு என்று கூறவே...நானும் எம் குல பெண்கள் இந்த பூவை தலையில் சூடும் பழக்கமுடையவர்கள் என்று கூற(!)...அவள் ஆச்சரியத்துடன் பார்த்து விட்டு சென்றாள் எங்கள் இருவரையும்...

அடுத்த நாள் 100 கிராம் மல்லிகை கிடைத்தது($3)...நன்றி கூறினேன் அந்த அன்பிக்கு(!)...எப்படியோ மனைவி கேட்டு இல்லை என்று சொல்லாமல் தப்பித்து விட்ட மகிழ்ச்சி எனக்கு....

சுயபுராணம் தவிர்த்து....இங்கு பலவித பூக்கள் அழகுடன் ஜொலிப்பதை எண்ணி வியக்கிறேன்....அதுவும் ஆள் உயர செடிகளுடன் கூடிய பூக்களும் விற்ப்பனைக்கு வருகின்றன....

என்னதான் சொல்லுங்க நம்மூர்ல பெண்கள் தலையில் சூடிவரும் அழகுக்கு இணை ஏது(!)

கொசுறு: எங்க போனாலும் நம்ம ஊரு(!) போல தேடுறதே பொழப்பா போச்சி ஹிஹி!  

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment