சொம்புல ஜலா!

வணக்கம் நண்பர்களே.......

கடந்த ஒரு வாரமாக கடின உழைப்பை சம்பளம் தருபவர்கள் எடுத்துக்கொண்டு விட்டதால்(!!).......நண்பர்களின் பதிவுகளுக்கு வர இயலவில்லை.....உடனுக்குடன் கருத்துரை வழங்கவும் முடியவில்லை......எல்லோரும் இந்த குழந்தையை(!) பொறுத்தருளுமாறு கேட்டுக்கொள்கிறேன்.......

நடந்து கொண்டு இருக்கும் ஒரு விவகாரமான வழக்கில்......சேர்க்கப்பட்டு இருக்கும்(!)..........என் தமிழ்நாட்டின் தியாக தீபத்தை காப்பாற்ற கோரி இங்கிருந்து ஆப்பிரிக்கா வரை நடை பயணம் போகலாம் என்று முடிவு பண்ணி இருக்கிறேன்.......

யாரும் இதில தவறு கண்டு பிடிக்க முடியாது..........ஏன்னா எங்க சோழ மன்னனின் தவப்புதல்வி........பெண் இனத்துக்காக தன்னை அரசியலில் இணைத்துக்கொண்ட புண்ணியவதி(!) அவர்களின் நல்ல உள்ளத்தை புரிந்து கொள்ளாமல் அவரை கோர்ட்டு படியேற வைத்திருக்கும் மத்திய நேர்மை தவறாத(!) மன்னர்களை பார்த்து கேட்கிறேன்........

தேரா மன்னா செப்புவது....என்னா!...........எங்கள் மாசற்ற மாணிக்கம்..........ஊழல் எனும் பெயரை அன்பளிப்பு என்று மாற்றி வைத்த பெருமைக்குரிய சோழ மன்னனின் குழந்தையை போய் இப்படி அலைக்கழிக்கிறீர்களே.......என்னய்யா உங்க ஞாயம்.........ஹூம்!

ராசா எனும் நேர்மை தவறாத சிங்கத்தை(!) உலகுக்கு தெரியவைத்த எம் சோழனை அவமானப்படுத்தும் நோக்கில் செயல்படுபவர்களுக்கு ஒன்று சொல்லிக்கொள்கிறேன்...........இப்படி ஒரு விஷயம் நிகழாதிருந்தால்........இந்தியா முழுமைக்கும் மட்டும் இல்லாமல் உலகிற்கே மிகப்பெரிய சாதனையை எடுத்து சென்ற மனிதனை(!) எப்படியப்பா தெரியும்......!

சோதனைய கடந்தா தானய்யா சாதனை(அய்யோ கொல்றாங்களே!)..........இந்த சோதனைகள் எங்களுக்கு புதிதல்ல.........உலக பணக்காரர்கள் வரிசையில் முதல் இடத்தை எங்கே எங்கள் சோழன் பெற்று விடுவாரோ என்று பயந்து போய் இப்பேற்பட்ட செயல்களை செய்யும் நல்லோரே(!).........ஒன்றை தெரிந்து கொள்ளுங்கள்.............இதெல்லாம் நீங்களே எங்களுக்கு செய்து கொண்டு இருக்கும் மிகப்பெரிய விளம்பரங்கள்.......

எங்களுக்கு தெரிந்ததெல்லாம்...........கடமை, கோமணம் ச்சே கண்ணியம், தட்டுப்பாடு மன்னிக்க கட்டுப்பாடு.........இதை வழி வழியாக நாங்கள் பின்பற்றி வருகிறோம்...........இனி அடுத்த பல தலைமுறைகளும் இதனையே பின் பற்றவே எங்கள் சோழர்(!)...........தன் குழந்தைகளை இந்த மண்ணுக்காக கொடுத்திருக்கிறார்...........

ஏய் உலகமே உனக்கு ஒரு நாள் தெரியவரும் எம் சோழரின் மக்கள் குற்ற மற்றவர்கள் என்று.......அன்று நீ அழுது புரண்டாலும்..........நான் உன்னை மன்னிக்க மாட்டேன்......ஞாபகம் இருக்கட்டும்!..........எல்லோரும் எதிர்பார்க்கும் சோழனுடைய ஆட்சியை எதிர்நோக்கி இருக்கும் ஒரு சாமானியன் பார்வையில்....

கொசுறு: பதிவின்தலைப்புக்கான விளக்கம் என்னவென்றால்....கோர்டில் இருக்கும் சொம்பு தண்ணீர் பேசுகிறது ஹிஹி!........தொடர்ந்து சீரியஸ் பதிவு எழுதேறேன்னு சொல்லி ஒரு நண்பர் திட்டியதால்.......ஹிஹி! 

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment