எட்டாத விஷயமா கம்யூ! - 2

வணக்கம் நண்பர்களே.........

முதல் பாகம் பார்க்க - எட்டாத விஷயமா கம்யூ! - 1 இங்க வாங்க.............

நண்பருடன் அளவளாவிக்கொண்டு இருக்கும் போது.....அவர் சொன்ன விஷயங்கள் மேலும் ஆச்சரியத்தை கொடுத்தன...............அதாவது.........1000 வருடம் சீனர்களுடன் தொடர்ந்து போராடி வந்து இருக்கிறார்கள்......அதனால் இவர்களுக்கு போர் உணர்வு அடிப்படையாகி போயிருக்கிறது.........

அதே நேரத்தில்......இந்த இடம் சார்ந்த தொழில்களில்.......விவசாயம் மற்றும் மீன்பிடி தொழில் மட்டுமே இவர்களின் வாழ்வாதாரமாக இருந்திருக்கிறது(இன்றும் பெரும்பான்மை!)......அப்பாவி மக்களை ஆயுதம் தூக்க வைத்திருக்கிறார்கள்......அதுவும் பகல் நேரத்தில் விவசாயிகளாக இருந்து இரவில் போராளிகளாக இருந்திருக்கிறார்கள்........

(பிரஞ்சு காலனியா இருக்கும்போது குடிபழக்கத்த இவங்க மேல வலுக்கட்டாயமா திணிசிருக்காங்க...அதையும் மீறி இவங்கள வழி நடத்திய பெருமை தலைவர் ஹோசிமினையே சேரும்)

அதுவும் ஹோசிமின் தலைமைக்கு வந்து போராட ஆரம்பித்த பொழுது அவர் செய்த முதல் வேலை......

"மக்களே நம் நாடு முன்னேற வேண்டும் என்றால் மக்களின் உயிர் முக்கியம்.............முதலில் வாரத்துக்கு ஒரு முறை உண்ணா நோன்பு இருக்க வேண்டும்.....அந்த உணவை..உணவுக்காக தவிப்பர்களுக்கு அளியுங்கள்...எப்போதும் எதிரிகளிடம் விழிப்புடன் இருங்கள்....." என்றாராம்....

பக்கி:......எங்க ஊர்லயும் காந்தி இப்படித்தான் சொன்னாரு(ஆனா பின்னாடி வந்தவங்க அத சரியா புரிஞ்சிகிட்டான்களா தெரியல!)

நண்பன்: அப்படியா....எங்க நாட்ல ஆண்களும், பெண்களும் சரி சமமா வேலைக்கு போவோம்........அதனால் வீட்ல சமைக்க முடியாது...குழந்தைங்கள காப்பகத்துல விட்டுப்போவாங்க....

பக்கி: எங்க ஊர்ல இப்போ நெறைய பெண்கள் வேலைக்கு போகறாங்க.......ஆனாலும், காப்பகத்துல ரெண்டர வயசுல குழந்தைகள.....விடுற அளவுக்கு இன்னும் நாங்க மனசளவுல விரும்பறதில்ல(!)......

அது சரி நண்பா......இங்க அதிகமா பெண்கள் தான் குழந்தைங்கள பைக்ல கூட்டிட்டு போறாங்க.....அதிகமா கடைகளிலும் பெண்கள் தான் வேலை செய்யிறாங்க......ஏன்!

நண்பன்: ஏன்னா இங்க நடைமுறை வாழ்கைக்கு பணம் தேவை....பெண்கள் ஆண்களின் தயவுல நிக்க விரும்பறதில்ல(பய புள்ள சம்மாளிக்குதோ!)...........

உங்க ஊர்ல.........

பக்கி: எங்க ஊர்ல கல்யாணம் பன்னவரோட கடமை அவரின் மனைவியை கண்ணு கலங்காம(!) காப்பாத்துறது.........சில நேரத்துல எங்களுக்கும் கண்ணு கலங்கும்(ஹிஹி!).........ஏன்னா அங்க ஒரு பொண்ண பெத்து கல்யாணம் பண்றது அவ்ளோ சிரமம்......

நண்பன்: ஏன்......

பக்கி: ஏன்னா பொண்ணு பெத்தவங்க......அந்த பொண்ணுக்கு வரதட்சணை கொடுக்கணும்.....கல்யாணம் பண்ணிக்க போற பையனுக்கு...........

நண்பன்:இது புதுசா இருக்கே......இங்க நாங்க தான் பொண்ணுக்கு செய்வோம்....

பக்கி: ஓ அப்படியா...........

நண்பன்: ஆமாம்........ஏன்னா அவள் எல்லா சொந்தத்தையும் விட்டுட்டு திருமணம் பண்ணிக்க சம்மதிக்கராளே.........(செருப்பால அடிச்சான்யா!)

பக்கி: உண்மைதான்......இத நாங்க கொஞ்ச கொஞ்சமா தடை பண்ணிட்டு இருக்கோம்.......காதல் திருமணங்களில் இது.....இல்ல.........

நண்பன்: இங்க எல்லாமே காதல் திருமணம் தான்............

பக்கி: ஓ........அப்ப நீங்களே பிக்கப்பன்னிப்பீங்களா..........வீட்ல ஒன்னும் சொல்ல மாட்டாங்களா.........

நண்பன்: எனக்கு பிடிச்ச பொண்ணு.......அந்த பொண்ணுக்கும் என்னை பிடிசிட்டாலே போதும்....வீட்ல கொண்டு போயி நிறுத்தி சம்மதம் வாங்கிடுவோம்...........

பக்கி: பார்ரா.....

கொசுறு: இந்த தொடர் வழியா பல நடைமுறை விஷயங்கள உங்களுக்கு சொல்லிட்டு வர்றதா நான் நினைக்கிறேன்.......அதனால் யோசிச்சி முடிவு பண்ணுங்க தொடரவா வேண்டாமான்னு.......! 

மறுமொழிப்பெட்டி:		?
தமிழிலும் மறுமொழியிடலாம் Loading...

Post Comment